home page
my blog posts
OLX Scam to compromise your Bank Data
എന്നെ ദയവായി പറ്റിക്കൂ എന്ന് ഒരു ബോര്‍ഡ്‌ എഴുതി വെച്ച് കൊണ്ട് ഇരിക്കുന്ന ഒരു ജന സമൂഹം ആയി നമ്മള്‍ മാറുന്നു എന്ന് ലോക്കല്‍ തട്ടിപ്പ്കാര്‍ മുതല്‍ നൈജെരിയന്‍ ലോട്ടറി കക്ഷികള്‍ വരെ തിരിച്ചറിഞ്ഞു കൊണ്ട് ഇരികുക ആണല്ലോ .
കഴിഞ്ഞ ദിവസങ്ങളില്‍ നമ്മുടെ സര്‍ക്കാര്‍ വെബ്‌ സൈറ്റുകള്‍ വഴി വ്യക്തികളുടെ സ്വകാര്യ വിവരങ്ങള്‍ പരസ്യപെടുതുന്ന സെക്യൂരിറ്റി പ്രശ്നങ്ങളെ കുറിച്ച് ഒരു ചര്‍ച്ച തുടങ്ങി വെച്ചപ്പോള്‍ ഐ റ്റി രംഗത്ത് തന്നെ പ്രവര്‍ത്തിക്കുന്ന ഒരു വ്യക്തി ഉന്നയിച്ച നിഷ്കളന്ഗം ആയ ചോദ്യം നമ്മള്‍ നമ്മുടെ ഡാ ട്ടാ മാത്രം നോക്കിയാല്‍ പോരെ , എന്തിനു അയല്‍വാസിയുടെ ബാങ്ക് അക്കൗണ്ട്‌ നമ്പര്‍ അറിയാന്‍ ശ്രമിക്കണം എന്ന് ആയിരുന്നു . ( അത് ശരി അല്ലെ എന്നാണ് എങ്കില്‍ തുടര്‍ന്ന് വായിക്കണം എന്നില്ല കേട്ടോ )
ക്രെഡിറ്റ്‌ കാര്‍ഡ്‌ കമ്പനികളില്‍ ഏതെങ്കിലും കാര്യത്തിനു വിളിക്കുമ്പോള്‍ അവര്‍ നിങ്ങളുടെ തിരിച്ചറിയലിനു വേണ്ടി ചോദിക്കുന്ന ചില അടിസ്ഥാന ചോദ്യങ്ങള്‍ക്ക് ഉത്തരം ആണ് പല സര്‍ക്കാര്‍ സൈറ്റ് കളും അത് നടത്തുന്നവരുടെ അറിവ് കേടു കൊണ്ട് നാട്ടുകാര്‍ മുഴുവന്‍ കാണാവുന്ന പരുവത്തില്‍ ഇട്ടിരിക്കുന്നത് .
അതിനോട് ചേര്‍ത്ത് വായിക്കാവുന്ന ഒരു തട്ടിപ്പ് കഴിഞ്ഞ കുറച്ചു ദിവസങ്ങള്‍ ആയി റിപ്പോര്‍ട്ട്‌ ചെയ്യപെടുന്നത് കൊണ്ട് ആണ് ഈ പോസ്റ്റ്‌ ഇടുന്നത് .
OLX വെബ്‌ സൈറ്റ് കസ്റ്റമര്‍ തലത്തില്‍ ആണ് ഈ വെട്ടിപ്പ് അരങ്ങേറുന്നത് . താരതമ്യേന പ്രശ്നം ഇല്ലാത്തതു എന്ന് ഇപ്പോള്‍ തോന്നുന്ന ഈ സംഭവം അധികം താമസിയാതെ ഒരു വലിയ തട്ടിപ്പ് ആവാന്‍ സാധ്യത ഉണ്ട് എന്ന് തോന്നിയത് കൊണ്ട് ആണ് ഇത് ചര്‍ച്ചയ്ക്കു എടുക്കുന്നത് . ഇതിനെ കുറിച്ചുള്ള കമന്റ്‌ കല്‍ shyamlal.com എന്ന ഈ വെബ്‌ സൈറ്റിലെ ഈ പോസ്റ്റിന്റെ കമന്റ്‌ ബോക്സില്‍ നടത്താം .
കഥ തുടങ്ങുന്നത് ഒരു ഓ എല്‍ എക്സ് user ഒരു പഴയ ഫിലിം ക്യാമറ യുടെ പരസ്യം olx ഇല്‍ നല്‍കിയപ്പോള്‍ ആണ് . ഇതേ സംഭവം മൊബൈല്‍ ഫോണ്‍ / വാഷിംഗ്‌ മെഷീന്‍ തുടങ്ങിയ ഉത്പന്നങ്ങള്‍ വില്‍ക്കാന്‍ ശ്രമിച്ചവര്‍ക്കും റിപ്പോര്‍ട്ട്‌ ചെയ്യപെടിരുന്നു .
മൂന്നക്ക സംഖ്യ തികച്ചു പറയാന്‍ സാധ്യത ഇല്ലാത്ത ഈ ക്യാമറ പരസ്യം പോസ്റ്റ്‌ ചെയ്തു അധിക സമയം കഴിയുന്നത്തിനു മുന്‍പ് അമേരിക്ക യില്‍ നിന്നും ഒരു വ്യക്തി ഈ ഉല്പന്നം വാങ്ങാന്‍ എത്തി . അമേരിക്കകാരന്‍ അല്ലെ എന്ന് കരുതി വില്‍ക്കുന്ന ആള്‍ വെറും 25,000 രൂപ മതി എന്ന് പറഞ്ഞു . വാങ്ങാന്‍ എത്തിയ ആള്‍ക്ക് അത് സമ്മതം .
താഴെ കാണുന്ന സംഭാഷണം നോക്കാം
ഇതില്‍ നിന്നും പല കാര്യങ്ങള്‍ ശ്രദ്ധിക്കാം . ഒന്ന് എന്താണ് ഈ ക്യാമറയുടെ അവസ്ഥ എന്നോ , അതിന്റെ ഒരു വിവരങ്ങളും ഇദ്ദേഹത്തിനു അറിയേണ്ട , 25,000 രൂപ വേണം എന്ന് പറഞ്ഞ ആളോട് അത് കൂടാതെ ഒരു പതിന്നായിരം രൂപ കൊറിയര്‍ ചാര്‍ജ് കൂടെ ഓഫര്‍ ചെയ്യപെടുന്നു . അതും ഡോളര്‍ അല്ല രൂപ ആണ് എന്ന് ശ്രദ്ധിക്കുക . അമേരിക്കകാര്‍ ഒക്കെ ഇന്ത്യന്‍ രൂപ ഇത്ര കാര്യമായി കൈകാര്യം ചെയ്തു തുടങ്ങിയോ എന്ന് തോന്നും .
ശ്രദ്ധിക്കേണ്ട കാര്യം മൂന്നു വിവരങ്ങള്‍ ആണ് ഇവിടെ ചോദിക്കപെടുന്നത് , അക്കൗണ്ട്‌ നമ്പര്‍ IFSC code , പിന്നെ ഇമെയില്‍ ഐ ഡി . ഇത് മൂന്നും അത്ര രഹസ്യം ഒന്നും അല്ലല്ലോ , നല്‍കിയാല്‍ എന്താണ് എന്ന് ചിന്തിക്കുന്നവര്‍ ആണ് അധികവും , ( ഇനി ചിലപ്പോള്‍ ബിരിയാണി ….. ) പക്ഷെ ഈ വിവരങ്ങള്‍ക്ക് ഒപ്പം നിങ്ങളുടെ ജനന തീയതി , അമ്മയുടെ പേര് , വീട്ടിലെ അംഗങ്ങളുടെ പേര് തുടങ്ങിയ വിവരങ്ങള്‍ ചേരുമ്പോള്‍ നിങ്ങളുടെ ഇമെയില്‍ പാസ്സ്‌വേര്‍ഡ്‌ , ബാങ്ക് അക്കൗണ്ട്‌ ലോഗിന്‍ തുടങ്ങിയ പലതും റീ സെറ്റ് ചെയ്യാന്‍ ഉള്ള തന്ത്രങ്ങള്‍ പയറ്റി നോക്കാന്‍ ഉള്ള ആദ്യ പടികള്‍ ആയി കഴിഞ്ഞു . ആയിരം പേരില്‍ ഒരാളെ കെണിയില്‍ വീഴ്ത്തിയാലും മതി ഇത് പോലെ ഉള്ള തട്ടിപ്പ് ആള്‍ക്കാര്‍ക്ക് ജീവിക്കാന്‍ .
നിങ്ങള്‍ക്കും സമാനമായ അനുഭവം ഉണ്ടായിട്ടുണ്ട് olx വഴി എങ്കില്‍ ഇവിടെ കമന്റ്‌ ചെയ്യുക . ഈ വിഷയത്തില്‍ നിങ്ങളുടെ അഭിപ്രായവും അറിയിക്കാം .